لمن يحب كمال مسعودي فليتفضل ...من فضلكم.

لمن يحب كمال مسعودي فليتفضل ...من فضلكم.
بعض اغاني كمال مسعودي المحبوب



اغنية
يالحبيبة ما تبكيش

مطلع الاغنية

يا الحبيبة ما تبكيش
كي اليوم نجي نديك
ربي راه كاتب العشق
اصبري الله يخليك

نطلب من ربي ينسيك
من هاد الهول والاحزان
وانا والله ما نخليك
حتى يفني كل الزمان
محال انا نسمح فيك
محال ندير من غيرك تاني
محال شيء ينسيني فيك
الف محال يا نور عياني

ترجمة المقطع
يا حبيبتي لاتبكي
ساتي لاخذك قريبا
الله كتب علينا العشق
اصبري فقط الله يخليك

اطلب من الله ان ينسيكي
كل الاهوال والاحزان
انا والله لن اتركك
حتى يفني كل الزمان
مستحيل اتخلى عنك
مستحيل ارتبط باحد غيرك
مستحيل ينسيني فيك اي شيء
الف مستحيل يا نور عيني
-********************************************-

كلمات اغنية يا حسرا عليك يالدنيا

يا حسراه عليك يا الدنيا فيك حكاية وحكايات
ساميني وقعدي حدايا واحكيهم لي بثبات
علاش هكذا حاقدة وسمية ظلي تبدلي في الصفات
تعذبي فيا غير بشوية عييت من عذابك براكات

تلعبي بيا والا معايا جاوبيني علاش هاذ السكات
قالوا لي عليك مسرحية وانا المسرح سكن لي في الذات
التذكيرة خلصتها غالية ديت معايا شي وردات
دخلت للقاعة صفقوا علي طلع ستار والضو طفات

لقيت روحي في تمثيلية والديكور خوف ودمعات
طمعتيني ودرتي علي عندي جدي بالصح مات
شحال من سلطان كان في دنيا جيوش الامر وطيعات
مال وعز قصور وسرايا العسة عليه بالالوفات
غفل غفلة تقلبت الحية فليلتو ما صاب وين يبات

وكلتي فلان عسل وفاكية وفلان شمختي لو الفتات
فلان قلعتي لو الذرية وحياتو من الفرحة خوات
فلان طلق مرتو المسكية زعف كي جابت لو البنات

المسجون يرجى الحرية بالدقيقة يحسب لوقات
الشهار يحلم بالشهرية يا حليلو مولا وليدات

كبدة لميمة مشوية على واش سهرت واش ربات
على وليدها بدل الجنسية عجبو زين الروميات
خلى يماه وحدانية من الحرقة والبكا تعمات
باش يبين الرجولية بعث لها زوج محرمات

نهار كانت الدنيا دنيا الوالدين علقوا لهم شيعات
اليوم الوالدين راهي مرمية في مراكز الشيخوخات
انتي دنيا يدك زهرية انا يدي فيه الكيات
مع الواقف درتي جمعية سماها دخلات وخرجات

القليل بعثتي لو خطية جا يصلي تلفت لو الصلاة
كي سلم انسى التحية وكي تحى نسا زوج ركعات
المال فاني والعظام راشية فاتت جناس وتمحات

اللي كان تاقي ودار النية طاع ربي وشد في الصلاة
درجته في الجنة عالية صفة الجنة درجات
والشاقي يمضي النهاية ذاتو بالنار تكسات
جلدة رايحة وجلدة جاية يظل يبدل في الجلدات

نصيحتي نتركها التالية باش نختم بيها لبيات
دعوة الوالدين رسمية منهم الشر والخيرات
الهنا كنز والصحة غالية والباقي كله كذوبات

ياسين ارسلها تحية وامنضى فيها بشي دمعات
بعثها كما مسعودي برية قراها قيتار وألات
والصلاة على نور عينيا سيد الخلق يا سدات
شكون اللي نجا منك يا دينا غير اللي طلقك بالثلاث
*****************************




ما بقاتش رجلة في هاد الزمان

كلمات الاغنية

ما بقاتش رجلة في هاد الزمان
ما بقاتش الكلمة
غير كترت الهدرة باللسان
وفعايل معدومة

خارج من دارو كي تشوفو تنحلع
يظهر في نيابو يزهر كي السبع
يقول من عندي ومن بعدي تنقطع
ما قنع في حياتو عمرو ما شبع
يجي عندك كي تكون فالوسع
ونهار تدياق عليك تقول ما سمع
قال كلمة واليوم عليها رجع
طاح قدرو فالحومة

واحد باقي ساكت تقولشي مخاصم
يقول انايا نتكلم غير كي توالم
ما نفع روحو ولا غيرو بشي كلايم
الباطل صاير قدامو بالعرارم
ادا نطق وتكلم يهدر كي الحاكم
ناس بكري شطحت ورمات المحارم
وين تبانو انتوما

يربع فالمشية رجلاوي حذر
يقول انايا نمشي غير بالقدر
عايش بالحيلة عام واتناش شهر
ما يفرق بين اليابس والخضر
بين الامة يرفع صوتو بالجهر
ادا تحطو وسط الشهدة يعود مر
عينو تلعب من فوق لتحت كي النسر
ما يقادرش الحرمة

يبرم في شلاغم ومهيل الرواح
ادا تصبح عليه ما تشوفش الربح
يالطيف
في وجهك يضحكلك منو تستراح
كي تغيب في ظهرك يشير بالسلاح
تقول زاوش قرمود مقابل السطح
ولا ذيل السردوك يميل مع الرياح
يالله استرنا من القوم الجياح
خود بالحق فالامة
-**********************-

اغنية رثاء الام



مميمتي مشات عليا
لحقها الاجل وطفات شمعة الدار
وبقيت وحدي وحيد ماكان لي بيا

حات الموت ادات لي ممو الابصار
الحنينة مميتي مشات عليا


زعزعني بخبرها داك البشار
وظلام نهاري وتحطم منايا

تمنات تشوفني قبل ما تروح الاعمار
هدا ماتمنت وتوادع الدنيا
وانا عليها بعيد زاهي مع الصغار
ما خممت نهار فالي تركت ورايا

ماتت ممتي وعلى قلبها نار
دخلت في قبرها محروقة عليا

لعب بيا الزمان ورجعلي غدار
خرجت خرجة فالدنيا وخرجت فيا

نفدي كل اموال هدا الارض والبحر
آش ندير لميمتي وتسمح ليا

جات الموت اداتلي ممو لبصار
لحنينة ميمتي مشات عليا

حب الميمة يا وخيي راو حب مطيار
فراقها ما يتعمر بكنوز الدنيا

كل شيء يتخلف ما دامت الاعمار
غير فراق لميمة يا سامع ليا

بالله يا لايم من يبكي بجهار
لا تلومو دمعات الفراق قوية

من بكى على مميتو ما راهو داير عار
خلوه براسو يبكي دمعتو مجرية

خلوني نجرع الكاتبة من الستار
سبحانو العالم بكل خفية

ما اصعب فرقتها خلاتني زهار
ما عرفت نتصرف في اي قضية

جات الموت اداتلي ممو لبصار
لحنينة ميمتي مشات عليا

اسمحيييييييييييييييييلي يا مميتي قبل المشوار
اسمحيلي لقبايحي وما فات عليا
اسمحيلي في هاد الدار
بعد الرحول سماحك ما يفيد فيا
اسمحيلي كي كنت مغيار
دار الدنيا غرتني ولعبت بيا
اسمحيلي راني في قيفار
قوليلي من غيرك يرؤف عليا
اسمحيلي يا ممتي بجاه المختار
-**********************************-

رايح مرهون

الكلمات

رايح مرهون على الهمية خضرة الون
مسلسل مسجون ومنسي في غواني
سبابي هيا
تخلويني صبحة وعشية
دارت عليا ماكان شكون ينجيني
ديك البلية قبيحة في افعالها وقوية
كي حليت عينيا ماعرفت
اش من واد داني
كثرت السية مع الجيران ومع والديا
خسرت النية عند اللي كانو يعزوني


خلوتها زينة
عندها نشوة شحال بنينة
ساعات تنسينا وساعات نقول
انا واش بلاني
حشيشة حنينة تدي للهلاك يا اخينا
الله يعفو علينا قول ربي ان شاء الله يهديني
طبيعة شينة
ادا حكمت ما تحن علينا
للموت تدينا
هنا ولهيك تضحى خسراني

يا ربي يا قهار
خرجنا من هاد القيفار
ذريات صغار عادو
ينفطرو عيناني
واشن هاد العار
لي دخل بلادنا بالقنطار
ما بقات عيار تخلطت امة العدنان
شبان كبار هاملين في هوى هاد القيفار
ضحاو بلا دار لا خدمة شبعو المحاني

يا الغاوي اخطيك
هاد الهلاك غير ارمي عليك
شوف ما يليق بيك
تبع اقوال الرحمان
يا يما يزيك
يايما يزيك من البكاء نشفو عينيك
نعيا ونجيك وانا من هادي بركاني
دعوة والديك
هيا النجاة من هادي وهاديك
ما يغفلو عليك طاعة ليهم بالاحسان

يا يما دقتي العداب
وانا اللي كنت ليك سبب
خطيت الصواب يا كيتي انا واش
داني

رايح مرهون عالهمية خضرة اللون
مسلسل مسجون ومنسي في الغوان
-*****************************-
الشمعة

مالي مالي و مال الشمعة
ما ضوتلي في ضلام
.. مابي و مالي السعد ما سقملي ليام (السعد هو الحظ سقملي معناها ألحلي/
حتى نصيب ما فرحني
نساني في ليام
اللي أمضى عني و راح
خبلي تخمام
خبلني=خلطني و زاد عني
سقمي دمي
سقمي دمي= همه من أهله
بدلي حلمي بأوهام
لا طالب و لا طبيب
عالج لي السقام
نوم هاني يا ليل
أنا عليك عساس
عساس= حارس
اللي مبنيين على الخدع
حرمولي تعاس
ما تمناوه صار
قاموا اعليها لعراس
من يدهم أشربت المرار
كاس يتبع كاس
مالي و مال شمسي غطاوها لغيوم
مال و مال سمايا ما قعدت فيه نجوم
مالي مالي و مال الشمعه
ما ضوتلي في ضلام
مالي و مالي السعد
ما سقملي ليام
بلا شفقه يا عيني
و دموعك غراق
من فيك ارسخ وصفو
عاد اعليك هراب
حليلك يا قلب تكوا
لجمر فيك لهابابالفرقه بعد الولف
ماكان كيفهم أصعاب
علاش كي اتونست بيك جاو
حسدوني فيك
ما عذروني ماذابوا
روحي روحي يا العذراء
و أنسي من يبغيك
هذا حقنا من الله
كتبو اعليا و عليك
مال مالي شمسي غطواها لغيوم
مالي و مال سمايا ما قعدت فيه نجوم
مالي مالي و مال الشمعه
ما ضوتلي في ضلام
مال و مال السعد ما سقملي ليام
*****************************************

.derien ma soeur et merci pour le passage

derien mes amis

derienسوسو

derien et merci pour le passage

يسلمو على الاغنية الرائعة

derien ma soeur