ماذا تفعل عندما تقولها لك امرأة؟؟

ماذا تفعل عندما تقولها لك امرأة؟؟

الزوج يجب ان يكون قوي الشخصية وتريده المرأة مثالاً للشهامة والرجولة وسخي الى أبعد الحدود يشاركها افراحها واحزانها ..
ويصبح الشافي لكل آلامها.
وفجأة ..!!
وبعد ايام وربما لسنوات تتغير المعادلة..وتنطقها المرأة من
اعماق قلبها وفي اكثر من مناسبة : أنت لست رجلاً!!
ماالذي يدفع المرأة لتصرخ بهذه الجملة القاسية ؟
متى تصل المرأة الى هذه المرحلة لتواجه زوجها
او أي رجل بهذه الكلمات؟
كيف يرى الرجل واقع هذه الإهانة ؟
مـــــــــاذا تقولون ؟

فما هو رأيك يا أدم يا أيها الرجل .. وما تصف رجولتك وكيف تبرر موقفك وهل هي مؤلمة وجارحة ؟؟
وانتي يا حواء شاركينا الراي وقولي لنا ماهي الرجولة بمفهومك
ورأيك بالموضوع بكل صراحة وماهو موقفك لو كنتي بمكانه؟؟

اتمنى من الجميع المشــــــــــــــاركة

ليه الست ممكن تقول للرجل انت مش راجل

لييييييييييييييييه؟؟؟؟؟

بصراحة هى الحالة دى ممكن تحصل فى مواقف شتى ....سورى يا معشر الرجال

نشوف حالة مثلا
مش هنقول راجل شرقى وراجل غربى وراجل تايوانى والكلام ده

بس يمكن فى بلادنا أصبح الرجل _البعض طبعا مش الكل _ لا يتقبل المرأة المتميزة

يعنى بمعنى أصح ودى المشكلة اللى بقيت بشوفها وبحسها

إن الرجل يقبل المرأة المتميزة زميلة فى العمل
ولا يقبلها زوجة

يقبل النقاش معها ويحترم آرائها و ربما أيضا يأخذ بنصيحتها أحيانا طبعا عشان محدش يحدف طوب
ولكن لا يقبل أن تكون هذه زوجته

يعنى باختصار عند البحث عن زوجة _ قلنا مش الكل عشان الطوب برده _ يبحث عن ذات الدين والخلق بس يا ريت تكون هادية و متبديش رأيها فى كل حاجة عشان الدوشة .....

يعنى فى المستوى الفكرى يفضل انه تكون مش زيه أو أقل منه بشئ بسيط ....يفضل يكون فيه فرق ملحوظ لصالحه ..... بس طبعا عشان منكونش ظالمين مش بيبقى عايزها متخلفة يعنى بس يكون فى فرق كويس معتبر يعنى

طبعا فى نقطة الدين والخلق لا أحد يلومه فيها لأن طبعا دى اهم حاجة

المشكلة اللى أقصدها ان اللى بتفكر وبتقرا كتير وليها رأى ... وقادرة على النقاش بالحجة ..... مش هنقول مش مرغوبة ..... بس ممكن نقول مش عليها الطلب جامد يعنى B)

ما علينا

فأصبح التميز للبنت فى مجال الفكر والعلم نوع من عدم التميز ..... فى فرص الزواج

فالبنت ديه إلى حد ما يتفتق عندها (حلوة يتفتق ديه ) شعور بأن الراجل ده مش راجل
الرجل اللى يقبلها مجرد عقل موازى ولا يقبلها زوجة
يعجب بيها وبتفكيرها ...و لكن زوجة ..... دى مسألة ليها حسابات أخرى

كل ده بيولد عندها احساس بالظلم من الرجل .... وتحس بازدواجية المفاهيم عنده فتبتدى هى اللى ترفضه .... لأنها لم تعد تشعر بأنه رجل

دى حالة من الحالات اللى ممكن تقوله انت مش راجل

أما الحالات بين الأزواج داخل البيوت اللى بيتقال فيها الكلمة ديه فحدث ولا حرج
بعضها بتكون الست محقوقة والبعض الآخر بيكون الراجل هو اللى محقوق

ولكن بينى وبينكم ديه مسائل عائلية وأنا محبش أتدخل

» بكل ..صراحه لو كنت في هذا الموقف ماذا تفعل؟؟؟؟؟؟
» خمس كلمات احذر أن تقولها لطفلك ............
» يوميات امرأة
» أنـا فخورة أني امرأة
» ماهو أحساسك عندما ترى امك تبكي؟؟